Умар Нурмагомедов: “Мераб Двалишвили йилнинг энг яхши жангчиси унвонига лойиқ!”

Россиялик ММА устаси Умар Нурмагомедов ўта енгил вазн(61 кг)да UFC чемпиони Мераб Двалишвили ҳақида фикрларини билдириб ўтди.

“Менимча, Мераб йилнинг энг яхши жангчиси унвонига лойиқ. У ҳеч ким қилмаётган ишни бажарди, яъни йил давомида тўрт марта чемпионлик камарини ҳимоялай олди. Двалишвили жуда фаол. Буни фақат мен эмас, ҳамма айтса керак”, — деди Умар "Weighting In" нашрига берган интервьюсида.

Эслатиб ўтамиз, Мераб Двалишвили (21-4) навбатдаги жангини россиялик Пётр Ян(19-5)га қарши 8 декабрь куни "UFC 323" турнирида ўтказади.