Улуғбек Рашитов испаниялик рақибини мағлуб этиб, финалга йўл олди

"Париж-2024" Олимпиадаси давом этади. 

Таэквондо WТ бўйича Токио-2020 ёзги Олимпия ўйинлари чемпиони Улуғбек Рашитов иккинчи олтин медал сари яна бир дадил қадам ташлади. Ҳамюртимиз испаниялик Хавер Пересга қарши кечган ярим финал жангида 2:0 ҳисобида ғалаба қозонди.

Энди у чемпионлик учун Бредли Синден (Буюк Британия) / Заид Карим (Иордания) баҳси ғолибига қарши даянга кўтарилади.

Рашитов Токио Олимпиадасида олтин медални қўлга киритгач, сайтимизга интервью берган эди. У нима сабаб таэквондони танлагани, кумири, фаолиятидаги энг қийин рақиблар ва Олимпиададаги иштироки ҳақида гапириб берган эди. У бугун иккинчи маротаба финалга чиқди. Қуйида интервьюни томоша қилинг!

https://youtu.be/tBOPBuflpls?si=JDuaelwI0JeQzq-o