Улуғбек Рашитов - Токио-2020 чемпиони!

Ўзбек спорти учун узоқ кутилган воқелик юз берди. Аниқроғи, ўзбекистонлик таэквондочи илк бор Олимпия ўйинларида медалга сазовор бўлди.

Эътиборлиси, эркаклар ўртасида -68 кг вазн тоифасида курашда иштирок этган ҳамюртимиз Улуғбек Рашитов олтин медалга сазовор бўлди.

Рашитов ғолиблик йўлида Сейду Мофана (Мали), Ли Дэ Хун (Жанубий Корея), Мархашем Хусайни (Эрон), Неджат Хусич (Босния ва Герцеговина) ва Брэдли Синден (Буюк Британия) каби маҳоратли спортчиларни енгди.

SPORTS.uz портали жамоаси номидан Улуғбек Рашитов ва унинг яқинларини ушбу олтин медаль билан самимий табриклаймиз. Ғалабаларинг бардавом бўлсин, Улуғбек!