UFC on ABC 6 турнирида қайси жангчиларга бонус берилди?

22 июндан 23 июнга ўтар кечаси Саудия Арабистони пойтахти Ар-Риёд шаҳрида UFC on ABC 6 турнири бўлиб ўтди.

Асосий баҳсда ташкилотнинг ўрта вазн тоифасидаги собиқ чемпиони (84 кг гача) австралиялик Роберт Уиттакер россиялик жангчи Икрам Алискеровни биринчи раунддаёқ нокаутга учратди. UFC матбуот хизмати турнир якунлари бўйича бонус олган жангчиларнинг исмларини эълон қилди.

Кечанинг энг яхши жангчилари сифатида Роберт Уиттакер, Шарабутдин Магомедов, Волкан Оздемир ва Фелипе Лима тан олинди. Ушбу жангчиларнинг ҳар бири UFC 50 минг АҚШ доллари миқдорида бонус оладиган бўлди.