UFC да чемпион бўла оладиган Bellator жангчиси ким? Ислом Махачев жавоб берди

Енгил вазн тоифасида (70 кг) амалдаги чемпион россиялик Ислом Махачев UFC чемпиони бўлишга қодир Bellator жангчиси номини айтди.

“Тўғрисини айтсам, Усмон Нурмагомедовнинг салоҳияти яхши, чунки у биз билан бирга ўсган ва Хабиб билан кўп спарринг ўтказган. Энди у менинг спарринг шеригим. Усмон ёш пайтида ҳам у билан жанг қилишга қийналардик...Менимча, у Bellator дан UFC га ўтса, чемпион бўла олади”, — дея Махачевнинг сўзларини келтирди Bloody Elbows портали.

Эслатиб ўтамиз, июнда Махачев(26-1) АҚШ вакили Дастин Порье(30-9-1 N/C) билан жанг қилган ва унда россиялик бешинчи раундда ғалаба қозонди.