"UFC 257": Матнли трансляция

Шунинг билан, "UFC 257" матнли трансляциясини якунлаймиз. Уни сизларга Абдулвосид Валихонов тақдим этди. 

10:38: ВАААААУУУУУУ!!! Дастин Порье Конор МакГрегорни нокаутга учратди. У ўз даражасини кўрсатиб қўйди. 

 

10:34: Биринчи раундни Конор ўз фойдасига ҳал қилди, десак бўлади. Порье тэйкдаун амалга оширди. Аммо Конор чиқиб кетди. МакГрегор елкалари билан бир қатор зарбалар йўллади. 

10:24: Навбатда асосий жанг: Конор - Порье!

10:17: ЧЕЕЕННННДДЛЕЕЕРРРРР!!! "Беллатор" собиқ чемпиони Хукерни нокаутга учратди. Супер зарбалар серияси!

9:50: Навбат ко-мейн-ивентга: Чендлер - Хукер баҳси бироздан сўнг бошланади. Жангчилар октагонга чиқиб келмоқда. 

9:47: Жоан Калдервуд ҳакамларнинг якдил қарори эвазига ғолиб деб топилди. 

9:38: Иккинчи раундда Калдервуд фаоллик намойиш этди. Турли типдаги оёқ зарбалари билан Жессикани "сийлаб" турди. 

9:32: Биринчи раундда деярли тенг жанг кўрдик. 

9:21: Эндиги навбат Жоан Калдервуд ва Жессика Ай беллашувига. 

Нокаут видеосини томоша қилинг:

9:10: Ғалабаааааааааа!!! Маҳмуд Мурадов Эндрью Санчесни техник нокаутга учратди. Қойил, Маҳмуд. 

9:05: Эндрбю Санчес иккинчи раундни фаол ўтказди. Раунд сўнгида Мурадовда бир нечта хавфли зарбалар бўлди. 

8:58: Биринчи раундни Маҳмуд ўз ҳисобига ёзиб қўйди дейишга тўла ҳаққимиз бор. Хай-киклар яхши чиқяпти. Масофа ўз ўрнида яхши ушланмоқда. 

8:49: Эндиги навбат Маҳмуд Мурадов жангига. Ҳамюртимизнинг рақиби америкалик Эндрью Санчес. Омад, Маҳмуд. 

08:34: Вааауууу! Марина Родригес иккинчи раунднинг дастлабки сониялариданоқ кучли зарбалар билан Рибасни мувозанатдан чиқарди. Жуда чиройли нокаут!

08:32: Рибас биринчи раундда, кутилганидек, устунликка эга бўлди. Родригес ўз имкониятларини кутишга мажбур бўляпти. 

08:21: Асосий кард старт олмоқда. Дастлаб аёллар ўртасидаги баҳс. Аманда Рибас Марина Родригесга қарши октагонга кўтарилади. 

8:00: Кутилганидек, Арман Царукьян ҳакамлар томонидан ғолиб, деб топилди. 

07:54: Иккинчи раундни Царукьян назорат қилди. Фревола фаолликни оширмаса, мағлубиятга учраб қолиши мумкин. 

07:49: Дастлабки раундни жангчилар анча юқори темпда ўтказди. Устунликни ҳеч бир тараф яққол қўлга киритмади. 

07:44: Арман Царукьян ва Мэтт Фревола навбатдаги жуфтлик. Сўнгги тайёргарлик жараёнлари ўталмоқда. 

07:34: Тўлиқ давом этган баҳсда Бред Таварес ҳақли равишда ғалаба қозонди. 

07:28: Таварес иккинчи раундда тўлиқ устунликка эга бўлди. Зарбалардаги аниқлик ва куч анча яхши даражада эди. Антонио Жуниор Карлос бир неча маротаба мувозанатни йўқотишгача етиб борди. 

07:20: Биринчи раундда бирмунча тенг жанг кўрдик. 

07:13: Эндиги жанг Бред Таварес ва Антонио Жуниор Карлос ўртасида кечади. Улар октагонда!

07:04: Жулианна Пенья сўнгги раундда рақибининг сустлашганидан унумли фойдаланиб, бўғиш усули билан ғалаба қозонди. 

06:55: МакМаннинг ўзи тейкдаунларидан чарчоқ сеза бошлади. Пенья тинимсиз зарбалар йўлламоқда. Агар учинчи раундда барчаси ўз ўрнида бўлса, Жулианна ғалабани қўлга киритса керак. 

06:49: МакМанн тейкдаунларга ҳаракат қилмоқда. Пенья тажрибаси эвазига сабмишендан қутулиб қолди. 

06:43: Навбатдаги жанг аёллар ўртасида кечади: Жулианна Пенья Сара МакМаннга қарши баҳс олиб боради. Улар тайёр. Бошладик!

06:33: Ҳакамларнинг якдил қарори эвазига Марчин Прачнио ғалабаси эълон қилинди. У Раунтридан кўра, кучсизроқ зарбалар йўллаганди. Фаоллик эвазигагина у ғалабани илиб кетди. 

06:24: Иккинчи раундда польшалик спортчи анча қийин ҳолатда қолиб кетди. Деярли нокдаун! Раунтри охиригача бориши керак эди. Учинчи раундни кутамиз. 

06:18: Биринчи раунд анча фаол ўтди. Жангчилар бир-бирларини ўрганиб чиқиб улгурган. 

06:10: Биринчи жангда Марчин Прачнио Халил Раунтрига қарши баҳс олиб боради. Жангчилар октагонга чиқиб келди. Якуний тайёргарлик жараёнлари бўлиб ўтмоқда. 

"Горилла режими ёқилди!"

МакГрегор жангларидан энг чиройли лавҳалар:

Конор МакГрегорнинг сўнгги жанги эса ёдингиздан чиқиб улгурмаган бўлса керак. Дональд Серронега қарши кечган баҳсни ирландиялик жангчи 40 сонияда якунлаб қўйганди.

Дастин Порье сўнгги жангини "Беллатор"нинг собиқ чемпиони Дэн Хукерга қарши ўтказган. 5 раунд тўлиқ давом этган жанг якунларига кўра, ҳакамлар Порьенинг ғалабасини эътироф этган. Таъкидлаб ўтиш жоизки, ушбу тўқнашув йилнинг энг яхши 3 жанги орасидан ўрин олди. Баҳсдан сўнг, ҳар иккала спортчи ҳам касалхонага йўл олишга мажбур бўлганди. 

"Face to face" маросими пайтида мэйн-ивент жангчилари ўзларига бўлган юксак ишончларини намойиш этди. 

Ассалому алайкум, азиз UFC ихлосмандлари! Бугун барчамиз сабрсизлик билан кутган "UFC 257" турнири бўлиб ўтади. Сиз билан Абдулвосид Валихонов кечани матнли трансляция услубида кузатиб боради.