Тухель “Челси” бўйича қимматли маслаҳатини аяди

“Челси”да яхши натижалар қайд этганига қарамай, истеъфога чиқарилган Томас Тухель собиқ клубига Юлиан Нагельсманнга қизиқаётганига муносабат билдирди.

Аниқроғи, журналистлар германиялик тажрибали мураббийдан ёш ҳамкасбига маслаҳат беришни сўради.

- Табиийки, Юлиан бу ҳақда мендан маслаҳат сўрамайди. Бу масалада менинг маслаҳатимга муҳтож эмас, - деди Томас Тухель.

Маълумки, Томас Тухелдан “Челси”ни қабул қилиб олган Грэм Поттер клуб раҳбариятининг қўллаб-қувватлашига қарамай, жамоа натижаларини пасайтириб юборди. Натижада клуб хўжайинлари ундан ҳам воз кечди.

Айни пайтда “аристократлар” беш нафар мураббий билан музокара олиб бормоқда.