"Турон" мураббийи: Бу борадаги савол клуб эгаларига берилгани маъқул

Суперлига 13-туридан ўрин олган “Турон” – “Қизилқум” (0:0) учрашувидан сўнг мезбонлар мураббийи Миржалол Жўраев ўз фикрларини билдириб ўтди.

“Ўйин биз кутгандек ҳужумкор руҳда бошланмади. Бугун иккала жамоа ҳам ғалабага ҳақли эмасди. Бу нарса ҳисобда ҳам акс этди. Биз ғалаба учун майдонга чиқдик, афсуски, ўхшамади.

Раҳбарият жамоани иккита учрашувга тайёрлаш кераклигини таъкидлади. Мақсадлар ҳақида ҳали гаплашиб улгурмадик. Бу борадаги савол клуб эгаларига берилгани маъқул.

Мавжуд вазиятдан келиб чиқиб, учрашувга етарлича тайёргарлик кўра олмадик. Футболчиларнинг жисмоний ҳолати ҳам яхши эмас эди”, – дея таъкидлади Жўраев.