"Тоттенхэм" етакчиси учун учта топ жамоа курашмоқда

"Тоттенхэм" ҳимоячиси Микки Ван де Веннинг хизматларига Европанинг топ жамоалари қизиқиш билдирмоқда. Бу ҳақда "ТЕАМtalk" нашри маълум қилди.

Манба маълумотига кўра, Микки мавсум якунлангач жамоани тарк этиши кутилмоқда. Айни вақтда нидерландиялик футболчини "Ливерпуль", "Манчестер Сити" ва " Реал" ўз сафига қўшиб олишга уринмоқда. 

24 ёшли футболчининг ҳозирда "трансфермаркт" порталидаги нархи 65 миллион еврони ташкил этади. Унинг клуб билан амалдаги шартномаси 2029 йилнинг ёзигача мўлжалланган. 

Маълумот учун, Ван де Вен жорий мавсум "шпорлар" сафида 33 та учрашувда майдонга тушиб, 7 та гол киритди ва 1 та голли узатмани амалга оширган.