Тошкентда бўладиган бокс оқшомида Миразизбек Мирзаҳалилов кимга қарши жанг қилиши маълум бўлди

13 август куни пойтахтимиздаги "Humo Arena"да Lift Promotions компанияси томонидан профессионал бокс оқшоми ташкил этилади.

Шу куни рингга кўтарилувчи жаҳон ва Осиё чемпиони Миразизбек Мирзаҳалиловнинг (1-0, 1КО) рақиби аниқ бўлди. У қирғизистонлик Турар Осмонов (4-2-1, 3КО) билан тўқнаш келади.

Шунингдек, бокс оқшомида Олимпиада чемпиони бразилиялик Хеберт Соуза, мағлубиятсиз одимлаётган кубалик Ҳедиер Ҳеррера, Олимпиада чемпиони Шаҳобиддин Зоиров, Олимпиада чемпиони Фазлиддин Ғоибназаров, жаҳон чемпионатлари совриндори Жасурбек Латипов, Мужибилло Турсунов ва бошқа боксчилар рингга кўтарилиши кутилмоқда.

Воқеалар ривожини бизда кузатиб боринг!