Торрес МЮга ўтиши мумкин

"Вильярреал" клуби ва Испания терма жамоаси ҳимоячиси Пау Торрес фаолиятини Англияда давом эттириши мумкин.

ESPN тарқатган хабарга кўра, 23 ёшли футболчини "Манчестер Юнайтед" ўз сафида кўрмоқчи. Манкунианликлар Торресни қишки трансферлар даврида сотиб олишни режалаштирмоқда. Унинг товон пули 50 миллион еврони ташкил этади. Унга эса "Манчестер Сити" ва "Барселона"дан ҳам қизиқишлар бор.

Торрес “Вильярреал” сафида 2017 йилдан буён тўп суриб келмоқда. У ўтган давр мобайнида жами 48 та ўйинда майдонга тушди ва 2 та гол ҳамда 2 та голли узатмага муаллифлик қилди. Унинг клуб билан амалдаги шартномаси 2024 йилга қадар имзоланган.