"Thailand Open" турнири. Шодиёржон Мелиқўзиев терма жамоамизга илк олтин медални тақдим этди

Айни пайтда "Thailand Open" турнирининг ҳал қилувчи жанглари бўлиб ўтмоқда.

-50 кг да ҳамюртимиз Шодиёржон Мелиқўзиев ва мезбонлар вакили Титиват Плонгаура чемпионлик учун ўзаро кураш олиб борди.

Шиддатли ва муросасиз кечган баҳсда боксчимиз ҳакамларнинг якдил қарори билан ғалаба қозониб, терма жамоамизга ушбу мусобақадаги илк олтин медални тақдим этди.

Эслатиб ўтамиз, бизни олдинда яна бир юртдошимиз Фарёзбек Дўсматов ва таиландлик Саравут Суктҳет тўқнашуви кутмоқда.