"Сурхон" янги легионернинг трансферини эълон қилди

"Сурхон"да янги легионер пайдо бўлгани хусусуда сайтимиз орқали аввалроқ маълумот бериб ўтгандик. Бугун ушбу клуб матбуот хизмати шартнома имзоланганини эълон қилди. 

"Жамоамиз сафига янги футболчи қўшилди. Бугундан бошлаб, "Сурхон" шарафини россиялик футболчи Жамалдин Ходжаниязов ҳимоя қилади. Жамалдин 18 июль куни 1996 йилда Туркманистонда туғилган. Болаликда эса, Тошкент шаҳрида "Чилонзор" академиясида футболда биринчи қадам қўйган. Кейинчалик, у Россияга кўчиб кетди ва машҳур "Зенит" жамоасида ёшлар ва кейинчалик асосий таркибда майдонда ҳаракат қилган.

Ёшлар футболида ҳам, Ходжаниязов ўз мавқеига эга. 2013 йилда у Европа чемпиони бўлди (U-17), икки йилдан сўнг эса - Евро U-19 чемпионатида кумуш медаль соҳибига айланди", - дея хабар бермоқда.

Жамалдин Ходжаниязов (Россия)
18.07.1996
Ампуаси: марказий ҳимоячи
Трансфермаркт нархи: 300.000 евро

Эришган ютуқлари: 
2013 -  Европа чемпиони (U-17)
2014 - Испаниянинг Марcа талқини бўйича Ходжаниязов ўз ёш тоифасида жаҳоннинг рамзий терма жамоасига киритилди
2015 - Европа вице-чемпиони (U-19)
2019 - Беларус Кубоги соҳиби
2024 - Россия Биринчи Лиганинг бронза медали соҳиби

Ўйнаган клублари:

2012 - 2013 - «Коноплёв Академия» (Россия)
2013 - 2015 - «Зенит» (Россия)
2014 - «Амкар» (Россия)
2015 - 2017 - «Орхус» (Дания)
2018 - «Динамо» (Санкт-Петербург, Россия)
2018 - «Балтика» (Россия)
2018 - 2019 - «Урал» (Россия)
2019 - БАТE (Беларус)
2020 - 2022 - «Сумгайит» (Озарбайжон)
2022 - 2024 - «Акрон» (Россия)

Нимелини "Динамо" (Махачкала)да энг аввало ким кўришни истаётганини, Термиз жамоасида яна янги легионер борлигини ва "Сурхон" қачон уйига қайтишини биласизми?