Суперлига. Бугун "Насаф" иштирокидаги баҳс билан 8-тур старт олади

Бугун Суперлига 8-тури старт олади. 

Турни очиб берувчи ўйин Жиззахда бўлиб ўтади. Амалдаги чемпион "Насаф" "Хоразм" билан ўзаро муносабатларга ойдинлик киритишади. 14 йиллик танаффусдан сўнг "аждарлар" яна "Хоразм" жамоасига қарши майдонга тушади.

Сўнгги бор бу икки жамоа 2010 йил 14 август куни Қаршида тўқнаш келган, ўша баҳсда "Насаф" 2:1 ҳисобида ғалаба қозонган эди. Учрашув 18:15да старт олади.

Навбатдаги баҳс эса Тошкентда ўтказилади. Унда "Бунёдкор" жамоаси "Қўқон-1912"ни меҳмон қилади. Беллашув старти эса 20:30да.