Суперлига. "Андижон" - "Металлург" баҳсига қанча мухлис ташриф буюрди?

Айни пайтда Суперлиганинг 8-туридан ўрин олган "Андижон" - "Металлург" баҳси бўлиб ўтмоқда. Ҳозирча ҳисоб 1:1.

Далер Шарипов 68-дақиқада ҳисобни очган бўлса, 76-дақиқада Владимир Бубанья ҳисобни тенглаштирди. Ушбу баҳсни бевосита майдондан кузатиш учун "Бобур Арена"га 19095 нафар мухлис ташриф буюрди. 

Маълумот учун, ҳозирча жорий мавсум рекорди "Нефтчи" - "Андижон" учрашувида қайд этилган бўлиб, мазкур беллашувда "Истиқлол" стадионига 19867 мухлис келганди.