Суперклуб икки юлдуздан воз кечди

Англия Премьер-лигасида бир неча йилдан бери бош соврин учун курашиб келаётган “Арсенал” таркибни тартибга солиш ва керак бўлмай қолган ўйинчилардан қутилишга алоҳида эътибор қаратмоқда.

Микель Артета қишки трансферлар даврида жамоанинг машҳур икки ҳужумчисидан воз кечишга қарор қилди.

Football Insider нашрининг маълум қилишича, бразилиялик Габриэль Жезус ва бельгиялик Леандро Троссар январь ойида ўзига янги жамоа топиши талаб этилади.

Бу ўйинчилар Микель Артетанинг ўйин схемаларига киритилмади, асосий таркибдаги жойини бой берди ва шу сабабдан қишда трансферга қўйилади.

Жезус ва Троссарнинг “канонирлар” билан амалдаги шартномаси 2027 йилнинг ярмигача давом этиши белгиланган. Агар январда уларни тўлиқ трансфер қиладиган харидор чиқмаса, футболчилар ижарага жўнатилади.