Суперклуб бир футболчи учун бешта ўйинчисини таклиф қилди. Жавоб кутилмаган бўлди!
- 6-июн 2025, 07:25
- Zohir Toshxo’jayev
- 0
- Футбол
Hammers News нашрининг ёзишича, “Челси” мутасаддилари Англия Премьер-лигасида порлаган Муҳаммад Қудусни жамоага қўшиб олмоқчи.
“Аристократлар” 85 миллион фунтга баҳоланаётган ўйинчи олиш мақсадида “Вест Хэм”га беш нафар футболчини таклиф қилди.
“Болғаурарлар” бу рокировкага кўнмади. Манбага кўра, “Вест Хэм”ни “Челси” таклиф қилган бирорта футболчи қизиқтиргани йўқ.
“Челси” вакиллари Муҳаммад Қудус трансферида Кирнан Дьюсбери-Холл, Роберт Санчес, Карни Чуквуэмека, Тосин Адарабиойо ва Трево Чалобадан фойдаланмоқчи бўлди.
24 ёшли ганалик футболчи Англияга 2023 йилнинг ёзида олиб келинган. “Вест Хэм” бу ўйинчи учун Нидерландиянинг “Аякс” клубига 43 миллион евро миқдорида бадал пули тўлаган эди.
Муҳаммад Қудус ўтган мавсумда барча турнирларда 35 та учрашув ўтказиб, рақиблар дарвозасини беш бор ишғол қилди ва жамоадошларига тўртта голли пас узатди.