8 вазн тоифасида жаҳон чемпионлигини қўлга киритган дунёдаги ягона профессионал боксчи Мэнни Пакьяо Филиппин президентлигига номзодини қўйишга қарор қилди.
Филиппинда навбатдаги президентлик сайловлари 2022 йилнинг 9 майига белгиланган. Машҳур боксчи мамлакатининг сиёсий ҳаётида фаол иштирок этиб келади. У 2009 йилдан буён Вакиллар палатаси аъзоси ҳисобланади. Мамлакат аҳолисининг аксарияти Пакьяони жуда қаттиқ ҳурмат қилади.
Мэннининг президентликка номзодини қўйиши ҳақида “Top Rank Promotions” раҳбари Бобу Арум хабар берди. Боксчи ундан сайловлардан сўнг инаугурация маросимида қатнашишни сўраган. Боксчининг ўзи сайловда ютиб чиқишига ишонмоқда.
Мэнни Пакьяо сўнгги жангини ўтган йили июль ойида Кит Турманга қарши ўтказиб, ундан WBA чемпионлик камарини тортиб олганди. 41 ёшли спортчи 25 йиллик фаолияти давомида 71 та жанг ўтказиб, шулардан 62 тасида зафар қучган. Пакьяо ҳамон боксдаги фаолиятини давом эттирмоқда ва карантиндан сўнг энг кучли боксчилар билан жанг қилмоқчи.