Станислав Черчесов: Евро-2020 да кубок учун курашамиз

Россия терма жамоаси бош мураббийи Станислав Черчесов Евро-2020 да жамоа ўз олдига қандай мақсад қўйганини айтди.

“Ўзимизни яхши кўрсатишни хоҳлаймиз ва кубок учун курашамиз. Ярим йилдан кейин нима бўлишини билмаймиз. 30 ноябрь куни қуръа ташлаш маросими бўлади ва биз ўз рақибларимизни билиб оламиз. Ана шундан сўнг вазиятни тўғри баҳолаб, футболчиларни шунга тайёрлаймиз”, - дейди россиялик мутахассис.

Эслатиб ўтамиз, Россия терма жамоаси гуруҳда 2-ўрин билан финал йўлланмасини қўлга киритди.