Слот: "Менинг вазифам унинг барқарор даражага чиқишини таъминлаш"

"Ливерпуль" бош мураббийи Арне Слот жамоа ярим ҳимоячиси Флориан Вирцнинг ўйини ҳақида гапирди.

"Бизда тенг савиядаги беш-олтита футболчи бор. Улар бир-бирларига мослашиши учун кўпроқ ўйинларда бирга ҳаракат қилиши керак. Шунинг учун, ўйинларда ярим ҳимоя чизиғида кўпроқ  ўзгаришлар амалга оширяпмиз. Вирцнинг жамоадошларига мослашиши учун бироз вақт керак. Шерикларига эса унга мослашиши учун вақт керак. Лекин шуни аниқ биламанки,у ҳозир бўлмаса ҳам эртага албатта ўзининг энг ажойиб ўйинларини кўрсатади. Унда яхшигина иқтидор бор. Мен учун асосий вазифа - унинг барқарор даражага чиқиши учун имкониятлар яратиб бериш", - деди нидерландиялик мутахассис. 

Маълумот учун, германиялик футболчи жорий мавсум барча турнирларда умумий 15 та учрашувда майдонга тушиб, 3 та голли узатмани амалга оширди.