Симеоне: "Чемпион бўлиш пайти келди"

"Атлетико Мадрид" бош мураббийи Диего Симеоненинг фикрича унинг жамоаси Ла Лигада ғалаба қозониши керак.

"Биламан, биз ғалаба қозонишимиз керак. Мен буни сўнгги тўрт йил давомида биламан. Агар "Атлетико" клуб ва жамоа сифатида ўсишда, такомиллашишда давом этмоқчи бўлса, яна ғалаба қозониши керак.

1996, 2014 ва 2021 йилларда чемпион бўлганмиз ва яна вақти келди. Вақт бўлди, биз ютишимиз керак. Мен бўшашмасликка ва учинчи ўрин менга етарли деб ўйламасликка ҳаракат қиламан.

Учинчи ўриндан қониқдимми? Йўқ, бу мени хурсанд қилмайди, аммо клуб учун учинчи ўрин жуда муҳим, мен эса клуб одами", - деди "Атлетико" бош мураббийи Cope'га берган интервьюсида.

Сўнгги олти мавсумнинг тўрттасида мадридликлар Ла Лигада "Барселона" ва "Реал"дан кейин учинчи ўринни эгаллаган.

Айни пайтда Симеоне жамоаси 3 ўйинда 2 очко жамғариб, чемпионатда 17-ўринни эгаллаб турибди.