"Шўртан" ҳам трансферларини бошлади! Янги футболчилар ва шартномасини узайтирган ўйинчилар бор

“Шўртан” профессионал футбол клубини 2025 йилда Суперлигага чиқиш мақсадида жамоани кучайтириш ишлари бошлаб юборилди. Бугун жамоанинг бир қатор етакчилари ҳамда янги ўйинчилар билан шартномалар узайтирилди.

Жумладан, жамоанинг моҳир ҳужумчиси Муҳриддин Зоиров 2024 йилда ҳам ғузорликлар шарафини ҳимоя қилади. Футболчи “Шўртан” билан ўртадаги шартномани бир йилга узайтирди.

Тажрибали ҳимоячи Тимур Набиев ҳам амалдаги шартномасини бир йилга узайтирди. Анвар Бердиев 2024 йилда ушбу ҳимоячининг хизматларидан фойдаланди.

Ёш ва умидли ярим ҳимоячи Жавоҳир Ҳасанов ҳам янги мавсум ғузорликлар билан бирга бўлади. Футболчи клуб билан ўртадаги шартномани бир йилга узайтирди.

Ўтган мавсумда “Шўртан” дарвозаси дахлсизлигини муносиб ҳимоя қилган Шерзод Абдураимов ҳам янги мавсумда клубга ёрдам беради. Шерзод ҳам амалдаги шартномасини бир йилга узайтирди.

Булардан ташқари, “Шўртан” клуби тажрибали ҳимоячи Шукурали Пўлатов билан келишувга эришди. Тажрибали ҳимоячи 2024 йилда жамоа шарафини ҳимоя қилади.

Маълумот учун, Шукурали Пўлатов Малдив ороллари, Бангладеш, Индонезия чемпионатида ва Суперлиганининг бир қанча жамоаларида тўп сурган.

Шунингдек, “Шўртан” ПФК яна бир тажрибали ҳимоячи Жасур Ўриновни ўз таркиби қўшиб олди. Футболчи 2024 йилда жамоа шарафини ҳимоя қилади. Футболчи ўтган мавсумда Қўқоннинг “Қўқон-1912» таркибида бўлган.

“Шўртан” матбуот хизмати.