Шомуродов Эрлинг Холандни ортда қолдирди

"Рома" ҳамда Ўзбекистон терма жамоаси ҳужумчиси Элдор Шомуродов "Манчестер Сити" ва Норвегия термаси аъзоси Эрлинг Холандни бир кўрсаткич бўйича ортда қолдирди. 

Шомуродов Коста-Рикага қарши ўйинда ўз ҳисобига битта гол ёздириб, жорий йил терма жамоа сафида урилган голлар сонини 10 тага етказиб олди. Шу тариқа, Элдор Холанддан битта голга ўтиб кетди.

Маълумот учун, улардан кейинги ўринни 8 та гол билан аргентиналик Лионель Месси эгаллаб турибди.