Шерзод Темиров олдида хориждан қатор вариантлар бор

Яқинда Эроннинг “Пейкан” клуби билан хайрлашган футболчимиз Шерзод Темировга ҳамон жиддий қизиқишлар давом этяпти.

Аввалига унинг юртимизга қайтганидан фойдаланиб, бир қатор Суперлига жамоалари Шерзодга “совчи” қўйишди. Аммо легионеримиз яна хорижда тўп суриш нияти борлигини маълум қилди.

Айни пайтда Темировга Европа ва Осиёдан жиддий қизиқишлар мавжуд. Бу борада футболчининг агенти қизғин музокараларни олиб боряпти. Яқин орада Шерзод Темировнинг янги клуби номи ойдинлашади.

Воқеалар ривожини кузатишда давом этамиз.