"Шериф"га қарши ўйин олдидан "Реал" мухлислари учун ажойиб янгилик!

Хабарингиз бор, бугун Мадриддаги "Сантьяго Бенрабеу" стадионида турнир фаворити "Реал" 2-турдан ўрин олган баҳсни ўтказади.

Молдованинг "Шериф" жамоасига қарши кечган мазкур баҳс олдидан мадридликлар қайдномаси эълон қилинди. Ундан 23 нафар футболчи ўрин олган. Ушбу учрашувда "қироллик клуби" етакчиси Тони Кросс майдонга тушиши кутилмоқда. Германиялик ярим ҳимоячи жароҳатидан фориғ бўлди.

Бироқ Гарет Бэйл, Ферлан Менди, Марсело, Дани Карвахаль каби футболчилар беллашувни ўтказиб юборади. "Реал" ҳамда "Шериф" жамоалари ўртасидаги ўйин 28-дан 29 сентябрга ўтар кечаси, соат 00:00да бошланади.