Шахмат олимпиадаси. Европанинг икки терма жамоаси таслим этилди!
- 6-август 2022, 20:03
- Baxtiyorjon Toshtemirov
- 0
- Шахмат
Хабарингиз бор, айни кунларда Ҳиндистоннинг Ченнай шаҳрида Бутунжаҳон шахмат олимпиадасига мезбонлик қилмоқда. Бугун мусобақада 8-тур ўйинлари ўтказилди. Эътиборлиси, Ўзбекистоннинг аёллар терма жамоаси ҳам, эркаклар терма жамоаси ҳам рақибларини мағлуб этди.
Эркаклар терма жамоамиздан Нодирбек Абдусаттаров, Жавоҳир Синдаров ва Жаҳонгир Воҳидов дуранг қайд этган бўлса, Нодирбек Ёқуббоев германиялик рақибига қарши баҳсда ғалаба қозонди ва терма жамоамизга ғалаба олиб келди. Якунда Ўзбекистон терма жамоаси Германия устидан 2,5 : 1,5 ҳисобида устун келди.
Қувонарлиси, ушбу ғалабадан кейин Ўзбекистон эркаклар терма жамоаси ўз очколарини 14тага етказиб олди.
Ўзбекистон аёллар терма жамоаси эса Шимолий Македонияни 2,5 : 1,5 ҳисобида мағлуб этди. Умида Омонова ва Афруза Ҳамдамова ғалаба қозонишга бўлса, Мафтуна Бобомуродова дуранг ўйнади.