Шаҳрам Ғиёсов: "Бу жангни қизимга бағишлайман"

Хабарингиз бор, 12 апрель куни АҚШнинг Нью-Жерси штати, Атлантик-Сити шаҳрида профессионал бокс оқшоми ташкил этилади. Эътиборлиси, ушбу кечада ҳамюртимиз Шаҳрам Ғиёсов Аргентина вакили Франко Максимилиано Окампога қарши рингга кўтарилиши белгиланган.

Ушбу жанг олдидан боксчимиз ўз фикрларини билдириб ўтди.

"Бу жангни қизимга бағишлайман. Албатта, бу мен учун жудаям қийин. Чунки мен қизимни жуда қаттиқ яхши кўрардим. Уни ҳали ҳамон соғиняпман. Бироқ қизимга, ота-онамга жаҳон чемпиони бўламан, деб ваъда берганман!" - деди ҳамюртимиз Instagram саҳифасига жойлаган видеода.

Маълумот учун, 22 март куни Ғиёсовнинг 2 ёшли қизи вафот этганди.