Шаҳбоз Умаров: Қисқача айтаман, эртага ютамиз

Эртага Осиё кубоги 2-туридан ўрин олган Ҳиндистон - Ўзбекистон учрашуви олдидан терма жамоамиз расмий машғулот олиб борди. Мазкур йиғин вақтида Шаҳбоз Умаров журналистларнинг берган саволларига жавоб берди. 

"Қичқача айтаман, эртага албатта ютамиз. Бошқа вариантимиз ҳам йўқ. Фақат ғалаба қозонишимз керак, бўлди. Гуруҳда қолиб кетсак яхши иш бўлмайди. 

Мураббий эртанги ўйинга тайёргарлик давомида асосий эътибор нимага қаратиляпти? Тактикагами, ёки руҳий томондан тикланишгами?

Биз биламиз, ким қанақа ўйнайди ва буни яна ҳам ўрганиб чиқяпмиз. Сурияани ҳам кўрдик, мана энди Ҳиндистон. Улар 10 киши бўлиб ётиб олган ҳолда ўйнайди. Мураббийлар тактик томондан бу ҳимояни ёриб ўтишни ўргатишяпти. Эртага ҳужумкор футбол кўрсатиишга ҳаракат қиламиз. 

Америкада бўлиб ўтган йиғинда виза чиқмай қолди, Хитойдаги йиғин пайтида жароҳатим бор эди дегандингиз. Ҳозир жароҳатингиз йўқми?

Йўқ, ҳозир жароҳатим йўқ. Ҳаммаси жойида. 

Ҳиндистоннинг энг кучли жиҳатлари нималарда кўрилди таҳлил давомида?

Улар асосан ҳимоядан ўйнашади. Олдинда 2-3та футболчи қолади, қолганлар орқага ётиб олади. Асосан қарши ҳужумда ўйнайди. Биз шу жиҳатини кўрдик. 

Бугун Ҳиндистон бош мураббийи матбуот анжуманида эртага биз ҳужумкор тарзда ўйнаймиз деб айтди. Бу чалғитишми?

Энди билмадим, рости. Қандай тактикада ўйнашидан қатъий назар биз эртага ғалаба учун ўйнаймиз", - деди "Ордабаси"да ўйнаётган легионеримиз.