Сергей Лушчан: "Ўйин натижаси адолатли"

Ўзбекистон Суперлигасининг  9-туридан ўрин олган “Навбаҳор” – “Хоразм” (1:0) учрашувидан кейинги матбуот анжуманида мезбонлар устози Сергей Лушчан иштирок этди. Клуб матбуот хизмати унинг фикрларини ҳавола этди. “Лочинлар” устози одатдагидек, ўз сўзини ўйин ҳақидаги фикрлари билан бошлади. 

- Учрашув қийин ва асабий руҳда кечди. Аммо якун биз учун ижобий бўлди. Рақиб бизга қандайдир жумбоқ бўлди, дея олмайман. Муаммо доимгидек вазиятлардан фойдалана олмасликда. Биринчи бўлимда иккита, иккинчи бўлимда учта яхши вазиятлар юзага келди. Уларни эса голга айлантириш керак. Барча муаммо шунда. Кўринишидан барчасини тўғри қилишмоқда, шу сабабли, ўйин асабий кечмоқда. Олдин гол ура олишмайди, Ҳимоядагилар асабийлашишни бошлашади. Кейин эса ўйин бузилади. Учрашув натижаси адолатли бўлди. Йигитлар сабрли. Охиригача очилмайдиган бундай жамоалар билан ўйнаш қийин. Уларни очиш қийин, аммо гол уриш керак, ҳаммаси шунга қараб кетмоқда. Бўш дарвозага тўп кирита олмаслик нимани англатади? Ўша ўйинчида маҳорат йўқлигиними? Йўқ, ахир у энг яхши тўпурар. Фақатгина аниқ зарба бера олмади.
Бундай жамоаларга қарши ўйнаш қийин, улар ўзлари ҳам ўйнашмайди, рақибга ҳам ўйнашга имконият беришмайди. Меҳмонларда вазият бўлдими? Бирорта ҳам бўлмади.
Биз доим текис жойда кераксиз голларни ўтказяпмиз. Агар рақиб босим қилганида ҳам саволлар бўлмасди. Ўзларига-ўзлари олиб келишди, аммо бугун озми-кўпми мудофаада қатъий ўйнашди.

- Нега Азимжон Аҳмедов ўйнамаяпти, унинг жисмоний ҳолати етарли даражада эмасми?

- У яхши жисмоний ҳолатда. Билишимча, Азимни учинчи йилдирки, тиззасидаги оғриқ безовта қилмоқда. У айниқса, майдон ўзгарганида, яллиғланади. Шунга қарамай, Аҳмедов асосий таркиб футболчиси. Бошқа томондан ҳозирда тўрт нафар ҳимоячи схемасига ўтдик ва у билан бу борада гаплашдик. Уч нафар марказий ҳимоячи билан ўйнаганимизда, Аҳмедов  шубҳасиз асосий таркиб ўйинчиси. Биз бундай жамоаларга қарши ҳужумлар қилишимиз, голлар уришимиз керак. Биз йигитлар голнинг таъмини ҳис қилишларини хоҳлаймиз. Ушбу ибора учун олдиндан узр сўрайман, аммо биз жуда осон туғамиз, лекин ақлбовар қилмас йўллар билан. Ҳар ўйинда беш-олтита голли вазиятлар яратяпмиз, аммо ҳозирча ўша вазиятлардан фойдалана олмаяпмиз.

- Нега Мирзоҳид Ғофуров ўйнамаяптими? Унда жароҳат борми ёки бошқа бир сабаб?

- Йўқ, Ғофуров мана учинчи машғулотдирки, Мўминов билан биргаликда умумий гуруҳда шуғулланмоқда. Улар бунга қадар реабилитациядан ўтишди, жароҳатлари бор эди. Ғофуровнинг жароҳати саккиз йиллик. У тиззада ва боғламлари яллиғланиб туради ва ҳоказо. Уни қатъий тўқнашувда қандай олганини кўрдингиз. Тикланди. Аста-секинлик билан Ўзбекистон кубоги ўйинлари орқали Ғофуровни майдонга туширамиз. Икки кундан кейин кубок доирасидаги ўйинимиз бор. Барча тикланган йигитларни ўша учрашувда майдонга туширамиз, сабаби, уч кундан сўнг, Тошкентда “Бунёдкор” билан ўйинимиз бор. Барча сафарлар кетма-кет ўтади. Ҳамма йигитларнинг ўйини очиляпти. Сизларнинг Иминжонов, Ғофуров ва Мўминовларни кўришингизга жуда ҳам умид қиламан. Бундан ташқари, шуғулланаётган йигитлар бор. Асосий муаммомиз — Педро. Унга жуда ҳам ишонч билдиргандик, Педро жуда ҳам юқори даражадаги ўйинчи. Аммо, унинг эски жиддий жароҳати бор бўлиб чиқди. Бу эса ҳаттоки, югуришга ҳам имкон бермайдиган жароҳат экан. У икки ҳафтадан бери реабилитацияда, анча енгил. Таркибга киришни сўрамоқда. Мен бунинг қандай жароҳатлигини биламан. Хуллас, кўрамиз.

-  Бугун икки хил бўлим гувоҳига айландик...

- Билмадим, трибунада ўтирганлар қандай ҳис қилишди? Аммо, мен майдон четида югурмаган бўлсам ҳам тезда терладим. Ҳаво жуда дим. Қуёш майдонга қараган эди. Шундай об-ҳаво шароити бўлиши тушунарли. Организм ўрганиши учун унга кўникиш керак. Қоида бўйича кечқурун 7-8 да ўйнадик. Бу ерда биринчи бўлим ва рақибда ҳам чарчаш ҳолатлари. Қийин. Шунчаки югуриш қийин. Иккинчи бўлимда ўйинни тўғри бошладик, кейин қандайдир тушунарсиз ҳаракат қилишни бошладик. Рақиб дарвозасига марказ орқали киришга уриндик. Ўйиндан олдинги машғулотларда эса бошқа нарсани шуғуллангандик. Биз қанот орқали ишлашни кўзлагандик. Танаффусда айнан биз сўраган ўйинни кўрсатишларини хоҳладик. Айрим футболчилар кўрпани ўзларига тортишга уринишяпти. Ўйлайманки, буни аниқ ҳал қиламиз. 

- Жамоа ҳакам томонидан қўшиб берилган дақиқаларда икки-учта яхши имкониятларга эга бўлди. Мутахассис сифатида фойдаланилмаган вазиятларда нима етишмади, деб ўйлайсиз?

- Бу маҳоратга боғлиқ. Масалан, Педрода вазият бўлса, у тўп киритади. Нега бир футболчи битта тегиниш ва ундан сўнг гол уради-ю, бошқасига ўнта вазият керак бўлишини айта олмайди. Буни тушунтириш қийин. Бу маҳорат даражаси. Шу ерда ўтган йилги воқеаларни эсланг, ўйин якунланишига 20 дақиқада қолганида голларни уриб бўлардик. Бизда Искандеров каби олдинда жуда юқори даражадаги футболчилар бор эди. Вазият — гол. Агар адашмаётган бўлсам, ҳар бир ўйинда биз биринчи бўлиб, гол урамиз. Илк дақиқаларда гол урамиз, кейин эса ҳимояланишни бошлаймиз. Шу муаммони ҳал қила олмаяпмиз. Биз футболчиларни яна ҳужум қилишда давом этишга мажбур қилолмаяпмиз. Уларга олтита гол ўтказсак ҳам тўхтаб қолмасликни, босимни давом эттиришни тушунтиряпмиз. Чемпион бўлишни хоҳлаганлар иқтидорли футболчилардан ташқари, чемпионлик мактабидан ўтганларни таркибга олишга уринишади. Фақат ҳисоб қандай бўлишидан қатъий назар, тўхтамайдиган футболчилари бор жамоа чемпион бўлади. 3:0 га ютяпмиз, улар тўхташмаяпти, 3:0 га ютқазяпмиз, улар тўхташмаяпти. Биз эса голдан сўнг, охиригача бормаяпмиз, шу билан бирга машғулотларда бундай муаммо йўқ. Бу руҳий даража билан боғлиқ бўлса керак.

- Про лига жамоаси билан бўладиган Ўзбекистон кубоги баҳсида қандайдир ротациялар бўладими?

- Юқорида айтганимдек, бизда барча ўйинга чиқади, бошқа вариантимиз йўқ. Эртага ўринбосарлар ҳам ўйнайди. Ҳозирда захира ўриндиғида бўлганлардан кимдир ўринбосарлар сафида ҳам ўйнайди. Икки кундан кейин “ФарДУ”га қарши учрашув бор. Ўша учрашувда кам ўйин амалиётига эга бўлаётган ва энди тикланган ўйинчилар билан ҳаракат қилишни режа қилганмиз. Умид қиламанки, бугунги ўйиндаги ҳеч бир футболчи ўша баҳсда ҳаракат қилмайди. Ҳатто бизнинг ўринбосарлар жамоамизнинг асосий таркиби бугун шу ерда эди.

- Ўтган йили “Навбаҳор”ни қабул қилиб олганингизда жамоа жуда ҳам юлдузли таркибга эга эди. Шундай бўлса-да, ўша таркибдан Комилжон Тожидинов порлаб чиққанди. Аммо, бу йил уни майдонда кам кўряпмиз. Бунинг сабаби нимада?

- Бизда иккита йиғин бўлди. Ўнта ўйин ва рақобат. Ҳаммага бирдек имконият бердик. Ўша йиғинларда Тожидинов рақобатга дош бера олмади. Сабаби шунда. У ўзининг пайтини кутсин. Комил жуда яхши футболчи, мен уни жуда яхши биламан. Яхши, тартибли йигит, меҳнаткаш. Олтинчи турда асосий таркибни аниқлаб, кейин ўзгартириб боришимизни айтганмиз. Худо кўрсатмасин-у, кимдадир карточкалар ва жароҳатлар бўлади. Уларнинг барчаси ҳали ўйнайди. Бизнинг захирамиз жуда кичкина. Барча ўйнашга улгуради. Сизга мавсумни умуман бошқа жамоа якунлашини кафолат бераман. Умуман бошқа жамоа. Ҳозир ўйнамаётганлар асосий таркибда бўлади. Битта таркиб билан шунча ўйинни кўтариб бўлмайди. Бу имконсиз. Апрель ва май ойи жуда тиғиз, улардан ўтиб олишимиз керак. Паузалар бўлади, тайёрланиб олишимизга имконият ҳам. Бўлажак беллашувларимиз рақобатчиларимизга қарши. Булар “Бунёдкор”, “Қўқон-1912”... Шундай ўйинлар бўлиб ўтади. Шундоқ ҳам бошқа жамоалар билан бўлган баҳсларда 6-7 очколарни йўқотдик.
й