Сергей Лушчан: "Менимча, ҳисоб адолатли бўлди"

“Навбаҳор” – “Андижон” (2:2) беллашувидан кейин ташкил этилган матбуот анжуманининг иккинчи қисмида мезбонлар бош мураббийи Сергей Лушчан қатнашди.

- Бугунги ўйинни шундай ўтишини кутгандик. Менимча, ҳисоб адолатли бўлди. Учрашув охирларида қизил карточка олдик ва гол ўтказиб юбордик. Бу футбол. Нима ҳам деймиз, футболда шунақа вазиятлар ҳам учраб туради.

- Мухлисларни перформанси ва умуман бугунги мухлислик борасида нима дея оласиз?

- Тўғри, мухлислар бизни қўллаб-қувватлашади. Лекин негатив томонлари ҳам бўлади. Баъзида ўз жамоасига қарши мухлислик ҳам қилишади. Аммо ишқибозларнинг олқишлаши остида тўп суриш ажойиб. Лекин баъзи футболчиларга бу ўзининг салбий таъсирини ўтказади. Бугун йигитларга ўзларига келиб олишлари учун 20 дақиқа керак бўлди. Барибир уларнинг қўллаши бизга завқ бағишлайди.

- Дербидаги ўйин учун раҳмат. Бундай ўйинларни соғинган эдик. Ҳар йили босим остида ўйнардик. Сизни хайрон қолдирдими-йўқми, “Андижон”нинг иикала голи ҳимоячилар хатоси билан киритилди. Нима, бу руҳий жиҳатдан ўзига ишонмаслик оқибатими? Оддий вазиятда иккита гол ўтказиб юбордик?

- Биз ўз  хатоларимиз туфайли голлар ўтказиб юбордик. Бошқа томондан рақиб охирги дақиқаларда очиқ ўйига ўтди. Дарвозабон агар эртароқ чиққанида бурчак тўпи бўлмаслиги керак эди. Ўтган йилги финалдаги ҳолат такрорланди. Бизда бундай хатолар доим такрорланмаяпти. Ўтган ўйинда 3:2 ҳисобида ютдик. Бундай хатолар бўлмаган эди. Бу футбол, бусиз иложи йўқ. Уларда иккита хато бўлди, биз гол урдик. Натижа адолатли бўлди. Рақиб тажрибали эди, биз тўпни пасдан назорат қилмоқчи бўлдик.

- Ўйинни яхши бошлаб, ёмон тугатдик...

- Нимага ёмон тугатдик? Мен бундай ўйламайман. Агар ютқазган бўлганимизда ҳам йигитларга раҳмат айтган бўлардим. Ҳозирги ҳолатимизни яхши биламиз. Рақиб охирги дақиқаларда таклиф этган ўйини, жамоа бўлиб ҳужумга ўтиши, бунга қарши ўйнаш қийин. Буни иложи йўқ, машғулотларда бунга қарши шуғулланмаймиз. Кўплаб ўйинчиларимиз бошқа савияда бизга келиб қўшилишган. Уларни шакллантириб бориш керак. Жамоа бор, ҳар бир ўйинда қўшиб борамиз.

- Захирадан майдонга тушганлар ўзини оқладими?

- 100 фоиз мен ўйиндаги вазиятга қараб ўзгариш қиламан. Тоировни туширдим, у юқоридан яхши ўйнай олади. Хато стандарт вазиятда юзага келди. Олис бурчакка йўналтирилди, пала-партиш киритилди. Биз ҳеч нима қила олмасдик. Ҳамма алмаштиришлар тўғри амалга оширилди. Бизда олдиндан ўйланган ўйинчи алмаштириш йўқ. Агар ўйинда ҳаммаси яхши кетса, умуман ўзгариш қилмас эдим.

- Азим Аҳмедовни аввалига ҳимояда ўйнатдингиз. Уни марказга кўчиришга нима сабаб бўлди?

- Сабаби биз майдон марказида ўйинни бой бераётган эдик. 3 хил схемада рақибдан келиб чиқиб ўйнаймиз. Ўтган йили ҳам шундай эди. Кимдир битта схемада ўйнайди, биз 3 хил схемада ўйнаймиз. Кўрдикки, ўртада имкониятни бой бераётгандик. Шу боис Аҳмедовни олдинроққа ўтказдик. Азим ҳам, жамодаошлари ҳам буни яхши билишади. Шундан кейин гол киритдик.