"Сепахон" мураббийи "Пахтакор" қай тарзда мағлуб этилгани ҳақида гапирди

ОЧЛ гуруҳ босқич 1-турида "Пахтакор" Эроннинг "Сепахон"га имкониятни бой берди - 1:3. Учрашувдан сўнг форслар устози Муҳаррам Навидкия ўйин борасида фикр билдирди. ОФК расмий сайти мураббийнинг фикрларини тақдим этди.

- Биринчи бўлимда техник ва тактик жиҳатдан заиф ўйин кўрсатдик. Бунда рақиб чиройли тарзда фойдаланган тезкор ҳужуми натижасида гол ўтказиб юборишимизга олиб келди. Танаффусда футболчиларга диққатни жамлаш ва рақибга босим ўтказиш, уларга бўш ҳудудлар қолдирмаслик кераклиги ҳақида кўрсатма бердим. Шундай қилиб биз кўп имкониятларга эга бўлдик, улардан фойдаландик, кетма-кет учта гол урдик.

Ўйлайманки, бу ғалаба жуда муҳим ва ўйинчиларга кучли жамоаларга қарши бўлажак баҳсларда кўпроқ ишонч бағишлайди, - деди мураббий.