Сен орқамдан пичоқ урдинг!

“Арсенал”нинг собиқ ҳужумчиси Пьер-Эмерик Обамеянг жамоа бош мураббийи Микель Артета билан юзага келган можароли вазиятга ойдинлик киритди.

Бу зиддият 2021 йилнинг бошида юз берган ва габонлик тўпурар интизомсизлиги рўкач қилиниб, жамоа машғулотларидан четлатилган эди. Ўша пайтда Обамеянг касал бўлиб қолган онасига қарашига тўғри келганди.

- Ўшанда мен клуб базасига келганимда бош мураббий мажлисни якунлаётган экан. У мени тутиб олиб: “Сен орқамдан пичоқ урдинг. Бошимиздан ўтказаётган вазиятдан келиб чиқиб, менга нисбатан бундай қилолмайсан”, деб бақириб кетди.

Мен жавоб қайтаришдан ўзимдан тийдим.Чунки оқибати яхши бўлмаслигини билардим. Мен ҳеч қандай базмларга борганим йўқ. Йўқлигим сабабини Артета ҳам яхши биларди. Шу боис, у нега менга бақирганини тушунганим йўқ.

Жимгина уйимга кетаётган эдим, жамоа шифокори телефон қилиб, бош мураббий мени кўришни истамаётганини айтди, - деди Пьер-Эмерик Обамеянг. 

Кейинчалик габонлик тажрибали футболчи Лондонни тарк этиб, “Барселона”га ўтиб кетди. Обамеянг “Арсенал”да 2018-2022 йиллар давомида 128 та учрашув ўтказиб, ўз ҳисобига 68 та гол ёздириб қўйганди.