Саудиялик бизнесмен Месси ва Роналду тўқнашувини кўриш учун фантастик суммага чипта сотиб олди

Бизнесмен Месси ҳамда Роналду қарама-қаршилигини кўриш учун 2.6 миллион доллар пул тўлади. 

19 январь куни ПСЖ Ар-Риёдда Саудиянинг "Ал-Ҳилол" ҳамда "Ал-Насср" жамоаларининг қўшма таркиби билан ўйнайди. Криштиану Роналду ушбу беллашув учун қайдномага киритилган. 

Саудиялик тадбиркор, "AqarOne" кўчмас мулк гуруҳи бош директори Мушреф Ал Ғамди ўйинга VIP чипта сотган хайрия аукционида ғолиб чиқди. 

Аукцион дастлаб 1 миллион Саудия риоли билан бошланди. Охир-оқибат, Ал Ғамди тахминан 10 миллион риал тўлаб, ғалаба қозонди.  

Ўйин чиптасидан ташқари, Ал Ғамди кийиниш хонасига кириб, футболчилар билан суратга тушиши мумкин. Ким ошди савдосида тушган пул хайрия ишларига йўналтирилади.