Саудия Арабистонидаги UFC турнирига яна бир ажойиб жанг қўшилди

Хабарингиз бор, 1 февраль куни Саудия Арабистонининг Ар-Риёд шаҳрида "UFC Fight Night 250" турнири бўлиб ўтади.

Ушбу мусобақа яна бир ажойиб жанг билан бойиди. Аниқроғи, асосий кардда оғир вазн тоифасидаги икки ММА устаси - Сергей Павлович ва Жаирзиньо Розенстрайка ўзаро октагонга кўтарилади. Бу ҳақда промоушен матбуот хизмати хабар бермоқда.

Маълумот учун, айни пайтда UFC нинг оғир вазн тоифаси рейтингида Павлович тўртинчи, Розенстрайка эса тўққизинчи ўринни банд этиб турибди.