Сардор Рашидов қаерда?

Тажрибали футболчи Сардор Рашидовсиз Суперлига худди зерикарли бўлиб қолгандек. Ҳар ҳолда тажрибали ярим ҳимоячи ўйнаган пайтларда чемпионатда ўз ўрнига эга эди.

Биласиз, Рашидов жорий мавсумни “Пахтакор” клубида бошлаганди. Ёзда эса у эркин агентга айланди. Шундан бери футболчини бирор-бир клубда кўрганимиз йўқ.

Хўш, Сардор 2024 йилни қайси клубда бошлайди? Бу савол мухлисларни қизиқтираётгани рост. Куни кеча ўзи билан боғланганимизда ҳозир Дубайда шуғулланаётганини маълум қилди ҳамда вариантлар кутаётганини қўшимча қилиб ўтди.

Уни янги мавсумда Ўзбекистон Суперлигасида ёки хорижда яна легионер сифатида кўришимиз мумкин. Воқеалар ривожини кузатишда давом этамиз.