Ўзбекистонлик футбол мухлисларига яхши таниш бўлган Сардор Азмун ёзгача “Байер”дан кетмайдиган бўлди.
Айрим оммавий ахборот воситалари эронлик футболчини Россия чемпионатига қайтиши мумкинлигини ёзганди. Бироқ, Сардор ортга қайтиш нияти йўқлигини билдирган.
Эътиборли жиҳати шундаки, Азмунни ўз даврида “Пахтакор”нинг етакчи ўйинчиларидан бўлган Марат Кабаев кашф қилган. Россияда истеъдодли ҳужумчи “Рубин”, “Ростов” ва “Зенит” каби жамоалар шарафини ҳимоя қилди.
Бир йил муқаддам Байерга кўчиб ўтган Сардор жорий мавсумда барча турнирларда 13та учрашувда қатнашиб, иккита голли пас муаллифи бўлди.
Изоҳлар (0)
Ҳозирча изоҳлар йўқ