Санжар Рашидов "Сўғдиёна"ни тарк этди

Сардор Рашидовнинг укаси – Санжар Рашидов фаолиятини бошқа клубда давом эттиради. Гап шундаки, у “Сўғдиёна” жамоасини тарк этишга қарор қилди. Бу ҳақида футболчининг ўзи sports.uz нашрига маълум қилди.

Санжар катта футболга “Сўғдиёна” орқали кириб келган ва шу пайтгача асосан жиззахликлар шарафини ҳимоя қилган. 2018 йили эса ярим мавсум “Насаф”да ўйнаб қайтган.

Санжарнинг олдида бир қатор яхши таклифлар турибди. Уларнинг орасида хориждан ҳам вариантлар бор. Футболчининг айтишича, тез орада қайси клубда тўп суриши ойдинлашади.