Рўзиқул Бердиев: "Бугун мағлубиятга муносиб эмасдик"

ОЧЛ 3-туридан ўрин олган "Шаржа" - "Насаф" учрашуви бўлиб ўтди ва унда мезбонлар 1:0 ҳисобида ғалаба қозонди. Ўйиндан кейин қаршиликлар бош мураббийи Рўзиқул Бердиев ўз фикрлари билан ўртоқлашди. 

"Кучли рақибга қарши ўйнадик. Шундай бўлсада, бугун мағлубиятга муносиб эмасдик. Сабаби, "Шаржа"дан кўп жабҳада устунлик қилдик. Биз тўхтаб қолмаймиз. Олдинда учрашувлар бор. Асосийси, "Шаржа" клубини яхши ўрганиб олдик", - деди Бердиев. 

"Насаф" 3-турдан кейин 6 очко тўплаган ҳолда гуруҳда 2-ўринда бормоқда. 4-турда "аждарлар" Қаршида "Шаржа"ни қабул қилади.