4 дивизионнинг собиқ жаҳон чемпиони Рой Жонс оғир вазн тоифасининг собиқ чемпиони Майк Тайсонга қарши кечадиган жангдан олдин рақиби ҳақидаги фикрини билдирди.
"Майк ҳақиқатдан ҳам қотилга ўхшайди. Ҳа, албатта, унинг машғулотлардаги видеосини кўрдим. У фаолиятини якунлаганидан кейин, орадан 10 йил вақт ўтиб, яна рингга қайтган Жорж Форманга ўхшайди.
Бироқ, мен ҳам яхши ҳолатдаман. Мен жангни сабрсизлик ва интизорлик билан кутяпман. Албатта, мен унга қарши биринчи раундда очиқ жанг қилмоқчи эмасман. Бундай аҳмоқ эмасман.
У ҳали ҳам кучли шер, аммо гепард эмас. Агар у тезда ўлдиролмаса, унда муаммоларга учрайди," - деди Жонс.
Эслатиб ўтамиз, Жонс - Тайсон жанги 12 сентябрь куни Лос-Анжелесда бўлиб ўтади.
Изоҳлар (0)
Ҳозирча изоҳлар йўқ