Россия клуби Ўзбекистон чемпиони билан куч синашди. Футболчимиз майдондан четлатилди...

Ўз тарихида илк бор Ўзбекистон чемпионлигини қўлга киритган “Насаф” янги мавсумга Туркияда ташкил этилган ўқув-машғулот йиғинида тайёргарлик кўрмоқда.

Қаршиликлар навбатдаги ўртоқлик учрашувида Россия Премьер-лигаси вакили “Факел” билан куч синашди.

Учрашувда ҳисоб очилмади.

“Насаф” 55-дақиқада бир киши кам бўлиб қолди. Жавоҳир Сиддиқов иккинчи маротаба огоҳлантириш олгандан кейин майдонни тарк этишга мажбур бўлди.

“Насаф” Ўзбекистон Суперлигасининг янги мавсумини 9 март куни бошлайди. Шу куни мамлакат чемпиони ўтган йилги чемпионатни учинчи ўринда якунлаган “Сўғдиёна” футболчилари қабул қилади.