Роналдунинг ўғли “Реал” билан машғулотлар ўтказди

"Ан-Наср" ҳужумчиси ва Португалия терма жамоаси сардори Криштиану Роналдунинг ўғли Криштиану Роналду Жуниор Мадриднинг "Реал" клуби академиясида U16 жамоаси билан машғулот ўтказди. Португалиялик тўлақонли равишда испан клубига ўтиши мумкин. Бу ҳақда The Athletic хабар бермоқда.

Айни пайтда кичик Роналду Саудия Арабистонининг "Ан-Наср" клуби шарафини ҳимоя қилмоқда. Аввалроқ футболчи Португалиянинг 15 ёшгача бўлган терма жамоасига Хорватиядаги халқаро турнирга чақирилган ва у ерда терма жамоага финалда мезбонларни мағлуб этишга ёрдам бериб, дубль қайд этганди.

Эслатиб ўтамиз, Криштиану Роналду 2009-2018 йилларда Мадриднинг "Реал" клуби шарафини ҳимоя қилган, шундан сўнг Туриннинг "Ювентус" клубига ўтган эди. "Қаймоқранглилар" сафида португалиялик 438 та ўйинда 450 та гол урди ва 131 та голли узатмани амалга оширди.