Роналду ва Португалия учун турнир якунланди. Франция ярим финалда

"Евро-2024" чорак финалидан ўрин олган Португалия - Франция баҳси бўлиб ўтди. Мазкур беллашувнинг асосий ва қўшимча дақиқаларида 0:0 ҳисоби қайд этилди. 

Ўйинда бир қатор хавфли вазиятлар вужудга келган бўлса-да, жамоалар гол уришнинг уддасидан чиқмади. Шундан сўнг ғолиб номи пенальтилар сериясида аниқ бўлди. Унда французлар 5:3 ҳисобида зафар қучди ва ярим финал йўлланмасини қўлга киритди.