Роналду ва Месси яна тўқнаш келадиган ўйин санаси эълон қилинди

Жаҳон футболи юлдузлари Криштиану Роналду ва Лионель Месси яна майдонда тўқнаш келиши мумкин.

Гап шундаки, "Пари Сен-Жермен" 18-19 январь кунлари Доҳа ҳамда Ар-Риёд шаҳарларида ўқув-машғулот йиғини ўтказади. Парижликлар йиғин доирасида "Ал-Ҳилол" ва "Ал-Насср" футболчиларидан иборат юлдузли терма жамоага қарши майдонга тушади.

Беллашув 19 январь санасида "Қирол Фаҳд" стадионида бўлиб ўтади. Мазкур ўйинда Криштиану ҳамда Лео яна бир-бирига қарши ҳаракат қилиши эҳтимоли юқори.

Уларнинг сўнгги тўқнашуви 2020 йилнинг декабрида бўлиб ўтганди. Ўшанда Роналду "Ювентус" таркибида Месси етакчилигидаги "Барселона"ни 3:0 ҳисобида мағлуб этган.