Роналду сенсацион тарзда “Ан-Наср”дан кетиши кутиляпти. Кейинги жамоа номи маълум!
- 7-ноябр 2024, 08:30
- Zohir Toshxo’jayev
- 0
- Футбол
Португалия терма жамоаси юлдузи Криштиану Роналду Саудия Арабистонидаги клубини ўзгартириши кутиляпти.
“Ан-Наср” билан тўққизта турнирда иштирок этиб, бирорта совринни қўлга кирита олмаган Роналду фаолиятини ашаддий рақиб – “Ал-Ҳилол”да давом эттириши мумкин.
“Ан-Наср”дан фарқли равишда мусобақаларда ғолиб чиқиш усулларини биладиган “Ал-Ҳилол” жароҳатлардан қутила олмаётган Неймар ўрнига Криштиану Роналдуни олиб келиш устида иш бошлади.
Бу клуб мутасаддиларини 39 ёшли юлдузнинг тўпурарлик маҳорати ўзига жалб қиляпти. Чунки Криштиану янги мавсумда ҳам барча турнирларда “Ан-Наср”га 14 та учрашувда 10 та гол уриб берди.
Роналдунинг риёдликлар билан шартномаси 2025 йилнинг ёзигача давом этади. Жаҳон футболида 908 та гол уриб, рекорд ўрнатган ҳужумчи 2026 йилги жаҳон чемпионатида қатнашишни мақсад қилган ва шунгача фаолиятини тугатмайди.