"Роналду ўйинда иштирок этса, ҳакамларга босим бўлади"

Ирландия терма жамоаси бош мураббийи Хадльгримссон Португалияга қарши ўйин олдидан учрашув ҳақида фикрлари билан ўртоқлашди.

"Албатта, Криштиану ўйинда иштирок этса, барча нарса ҳакамга боғлиқ.  Бироқ Португалияда у нафақат ҳакамга, балки бутун стадионга таъсир ўтказади. Сабаби, барча мухлислар унинг ҳаракатларини қўллаб-қувватлайди ва маълум даражада уларга ҳам ён босиш ҳолатлари ҳам кузатилади. Бўлажак учрашув эса "Авива-Стедиум" ўйингоҳида бўлади ва ушбу баҳсда бундай ҳолат кузатилмайди, деб умид қиламан", - деди мутахассис.

Маълумот учун, Ирландия Португалия учрашуви 13 ноябрь куни соат 00:45 да старт олади.