Роналду жарима ва дисквалификацияга муносабат билдирди
Португалия терма жамоаси сардори ва Саудия Арабистонининг «Ан-Наср» клуби ҳужумчиси Криштиану Роналду ўзининг жазоланиши ҳақида расман маълум қилинганидан сўнг, клуб машғулотидан олинган суратларни эълон қилди.
Роналду ушбу фотоларни ижтимоий тармоқдаги X саҳифасида жойлаштирди ва уларни қисқа изоҳ билан тўлдирди.
«Жон-жаҳдим билан меҳнат қиляпман», — деб ёзди португалиялик юлдуз.
Эслатиб ўтамиз, 19 октябрь куни Португалия футбол федерацияси интизом қўмитаси Роналдуга 30 кунлик дисквалификация ва 255 евро миқдорида жарима тайинлаган эди. Жазога 30 сентябрь куни футболчининг Данияда жойлашган миллий жамоа лагерини тарк этиши сабаб бўлган.
Португалия нашрларининг ёзишича, дисквалификация муддати 1 октябрдан бошлаб ҳисобланади ва 30 октябрда якунланади.