Роналдиньо: Нега энди “Тоттенхэм” Чемпионлар лигасида ғолиб чиқмаслиги керак?

Бразилиялик футбол юлдузи Роналдиньо “Тоттенхэм” клубининг бу мавсум Чемпионлар лигасида ғолиб чиқишига ишонмоқда.

“Нега энди “Тоттенхэм” Чемпионлар лигасида ғолиб чиқмаслиги керак? Улар аввал ушбу мусобақада ғолиб чиқишмаган. Бироқ, ушбу кубокга эга бўлган жамоалар ҳам қачонлардир уни биринчи марта қўлга киритишган. Дунёнинг энг кучли жамоаларидан бири бўлган “Манчестер Сити”га қарши ўйиндаги натижа “Тоттенхэм”нинг қанчалик рақобатбардош эканини кўрсатиб берди”, - дейди Роналдиньо.

Эслатиб ўтамиз, “шпорлар” бугун ЕЧЛ 1/4 финал жавоб баҳсида “Этихад”да “Манчестер Сити” меҳмони бўлишади. Улар ўртасидаги дастлабки учрашув 1:0 ҳисобида Лондон клубининг ғалабаси билан якунланганди.