"Рома" финалдаги рақиби - "Фейеноорд"нинг асосий футболчисини кўзламоқда

"Фейеноорд"нинг туркиялик ярим ҳимоячиси Оркун Кёкчю “Рома”нинг эътиборига тушди.

Leggo нашри хабарига кўра, 21 ёшли футболчи шу ёз “Рома”дан кетиши кутилаётган Жордан Верету ўрнини эгаллаши кутилмоқда.

Кёкчю - кўп қиррали ўйинчи. У майдонни кўриш ва узоқ масофадан яхши зарба бериш қобилиятига эга. У жорий мавсум “Фейеноорд” сафида 7 та гол уришга эришди.

Оркуннинг айни дамдаги трансфер нархи 25 миллион еврога баҳоланмоқда.

Эслатиб ўтамиз, "Фейеноорд" Конференциялар лигаси финалида айнан "Рома"га қарши баҳс олиб боради.