"Рома" - "Трабзонспор": Элдор Шомуродов майдонга тушди! (матнли трансляция)

Ассалому алайкум, қадрли футбол ихлосмандлари! УЕФА Конференциялар лигаси плей-офф босқичидан ўрин олган "Рома" - "Трабзонспор" учрашуви матнли кўринишда эътиборингизга ҳавола этилади. Ушбу жамоаларнинг жастлабки баҳсида "бўрилар" 2:1 ҳисобида зафар қучганди!

"Рома" - "Трабзонспор" 3:0 (5:1)

90+3. Учрашув якунланди. "Рома" Конференциялар лигаси гуруҳ босқичига йўл олди!

90+1. Манчини огоҳлантирилди.

90. Ўйиннинг асосий вақтига 3 дақиқа қўшиб берилди.

88. Сўнгги дақиқалар бироз сокин темпда ўтмоқда.

86. Жаримадан йўлланган зарбани меҳмонлар посбони қайтарди.

86. Римликлар жарима майдони яқинида стандарт вазиятга эга бўлди.

84. ГООООООООООЛ! "Рома" ҳисобни йирик кўринишга келтирди!

Қанотдан жарима майдонига ёриб кирган Эл-Шаарави дарвозани ишғол этди!

82. Пеллегрини оширган тўпни Элдор тўхтата олмади. Боз устига, у офсайдда ҳам қолиб кетган экан.

81. СЕЙВ! Нвакаэме жарима майдони ташқарисидан кучли зарба берди. Патрисиу ўз ўрнида.

80. Баҳс римликларнинг босими остида давом этмоқда.

79. Верету ва Заниоло ўрнига Эл-Шаарави ҳамда Вильяр майдонга тушди.

77. Нвакаэменинг зарбаси ҳимоячига тегиб ўз тезлигини йўқотди.

75. Карсдропнинг узатмасидан сўнг тўп Шомуродовга қадар етиб келмади.

74. Туркияликлар камбэк уюштиришга ҳаракат қилмоқда. Аммо "бўрилар" бўш келмаяпти.

72. Гейнрих Мхитарян ўрнига Карлес Перес ўйинга қўшилди.

70. Меҳмонлар вакилига шифокорлар ёрдам кўрсатди.

68. Римликлар марказни мустаҳкам ушламоқда. Прессингда фаол ишланяпти.

67. Сиопис ўз ўрнини Юсуф Сарига бўшатиб берди.

65. ГОООООООООООЛ! "Бўрилар" ҳисобни ишончли кўринишга келтирди!

Жарима майдони ичидан зарба берган Заниоло дарвозабонни ожиз қолдирди!

65. Элдор Шомуродов майдонга тушди. У Тэмми Абрахамни алмаштирди.

63. Гамшикнинг кучли зарбасини Патрисиу қайтарди.

61. Рақибнинг бурчак зарбасидан кейин хавфни ҳимояга қайтган Абрахам бартараф этди.

60. Ўйин қарама-қарши курашлар остида давом этмоқда.

58. Патрисиу дарвозаси томон берилган зарбага аниқлик етишмади.

56. Абрахам майдонда ётибди. У тўқнашувда кичик жароҳат олган.

54. Тэмми Абрахамнинг бош билан йўллаган зарбасидан сўнг тўп устунни титратди.

52. Иккинчи 45 дақиқаликда туркияликлар нисбатан фаол ўйин намойиш этмоқда.

50. Патрисиу рақибнинг хавфли зарбасини бартараф этди.

48. Андрес Тронсенднинг узатмасига ҳеч ким ета олмади.

46. Иккинчи тайм бошланди!

45+2. Танаффус!

45. Биринчи таймдаги тўхталишлар ўрнини қоплаш мақсадида 2 дақиқа қўшиб берилдию.

42. Бўлим сўнгини "Трабзонспор" кичик фаоллик билан ўтказмоқда.

40. Заниолонинг кийимидан тортиб қолган Сиопис огоҳлантирилди.

38. Жордан Веретуга сариқ карточка кўрсатилди.

36. Заниоло майдон марказида тактик фол ишлатди.

34. Пеллегринининг бу сафарги уринишидан сўнг тўп бироз ноаниқ кетди.

32. Пеллегрини йўллаган кучли зарбадан кейин дарвозабон тўпни қайтарди.

29. Туркияликлар бурчак зарбасидан наф чиқара олмади.

27. Ўйин темпи бироз пасайди. Гол ўтказиб юборган меҳмонлар сустлашиб қолди.

25. Пеллегринининг базўр йўллаган зарбасини дарвозабон осонликча эгаллаб олди.

22. Ҳисобда олдинга ўтиб олган римликлар тўп назоратини қўлга олишга ҳаракат қилмоқда.

20. ГООООООООООЛ! "Рома" ҳисобни очди!

Кристантенинг жарима майдони ташқарисидан берган зарбасини дарвозабон қайтара олмади.

18. Жароҳат олган Корнелиус ўз ўрнини Жанинига бўшатиб берди. 

16. Корнелиус елкасини ушлаб майдонда ётибди. Унга тиббий ёрдам керак.

14. Стартдаёқ жиддий ва кескин курашлар гувоҳига айланмоқдамиз. Охири бахайр бўлсин!

12. Чап қанотдан етказиб берилган тўпга Абрахам ета олмади.

10. Жарима майдони ичида футболчилар ўзаро тортишиб қолди. Ҳакам вазиятга аралашди.

8. Жервиньонинг хавфли узатмасини ҳимоячилар бартараф этди.

6. Туркияликларнинг илк ҳужуми муваффақиятсиз якунланди.

3. Кутилганидек, римликлар илк дақиқалардан фаолроқ кўринмоқда.

1. Учрашувга старт берилди!

0. Футболчилар майдонга тушиб келди. Ўйин бир неча дақиқалар ичида бошланади.