Родриго: " "BMV"га “R”ни қўшиш керак”

“Реал Мадрид” ҳужумчиси Родриго Гоес жамоага Килиан Мбаппе келгандан сўнг клубдан кетмоқчи эмас.

 Журналистлар матбуот амжумани вақтида “қироллик клуби”нинг ҳужум триосида бразилияликни қўшишмади,  "BMV" (Беллингем, Мбаппе, Винисиус) деб қисқартиришди. Бунга Гоес ўз реакциясини билдирди.

 “Менга жамоамиз қандай ривожланаётгани ёқяпти. Кўпчилик Беллингем, Мбаппе ва Винисиус триоси ҳақида гапирмоқда, лекин улар "BMV" триосига "R" ҳарфини қўшишлари керак. "Реал Мадрид"да ҳужумкор тўртлик ва жамоанинг қолган қисми бор. Майдондаги ҳар бир инсон жамоа учун муҳим", - деди бразилиялик ҳужумчи.

 Испания чемпионатининг дастлабки турида “Реал” сафарда “Мальорка” билан тўқнаш келди. Учрашув 1:1 ҳисобида дуранг билан якунланди. “Қаймоқранглилар”нинг голига Родриго муаллифлик қилди.